Item JM-AIY/OttomanRegisters/Vol2/p7b/item45 - List of supplies for renovation or building works partly in Arabic; item in Ottoman, 15 August 1894 (Gregorian calendar) - 3 Agustos 1310 (Ottoman fiscal calendar (Rumi)

1 item

Kerek’de inşâ edilmekte olan ebniye-i emiriyye için erkân-ı harp ref’etlü Tevfik Effendi huzurunda mevki’-i münakasaya konulan ahşab kerestesinden ziyâde olarak istilâm me’muru olan redif mülâzımlarından Hamit Effendi tarafından matviyyen takdim kılınan pusula mûcibince 7747 guruş 30 para kıymetle ahşab alınıp Kerek’e gönderildiği cihetle esmânı müteahhid tarafından taleb olunmakta olduğu ve keyfiyet mumâ-ileyh Hamit Effendi’den led-el- istifsâr mikdar-ı mezkûr mumâ-ileyh erkân-ı harp kolağası ref’etlü Tevfik Effendi talebi üzerine ahz olunduğu cevâben beyân eylemiş ve mevki’-i münakasaya konulan ahşabdan başka yüz tahta ve otuz ağaç kirişi ile bir teneke karbon ___ askeri hastanesine alınması ve pahası olan üç bin yedi yüz küsur guruşun Salt’tan buraya irsâl kılınan mebâliğden tesviyesi fi 30 Temmuz sene 1310 tarihli Ma’an Mutasarrıfı âlîyesi cânibinden vurûd eden telgrafnâmede beyân buyrulmuş ise de andan başka alınan ziyâdesinin pahası i’tâsına bir ta’rif bulunmadığından mezkûr ziyâdenin pahası hangi taraftan tesviyesi müktezî olacağının beyânı zımmında mutasarrıf-ı mezkûreye bir kıt’a emirnâme-i âlîye şeref-tastiri babında. Fi 3 Ağustos sene 310.

• Arapça

• Osmanlı Türkçesi