Item JM-AIY/OttomanRegisters/Vol3/p53b/item357 - Budget matter, 18 July 1899 (Gregorian calendar) - 6 Tammûz 1315 (Ottoman fiscal calendar (Rumi)

1 item

Vaktiyle icra edilen keşfe göre Halil-ür-rahman kapısının dâhilindeki hendek üzerine iki bab sarnıç ve yirmi bab dükkân ve haricinde diğer hendek üzerine dört sarnıç ve on sekiz bab dükkân ki cemen altı sarnıç oyuz sekiz bab dükkân inşa olunablieceği tebeyyün ederek ana göre haritası tanzim ve meclis-i idare-i livadan ba-mazbata Dâhiliye Nezaret-i celilesine takdim kılımış idi gerek mezkur hendeklerin ve gerek topçu kalesi ittisalindeki köprü hizasından beda ile birundaki hendeğin nihayetine kadar imtidad edecek mezkuru’l-mikdar sarnıç ve dükkanların vüs’ati leffen takdim kılınan haritada ve bu inşaat için isti’mal olunacak taş ve kereste ve ahşab Bi’l-cümle levazımatın nev’ ve cinsi ve mesahası mukaddeman dai,re-i belediye marifetiyle tanzim olunub aynen ve matviyyen dahi takdim kılınan şerait pusulasında gösterilmiştir
Meclis-i idare-i livanın kararında dahi beyan buyrulduğu üzere seyahat-i imparatoriden evvelce tevzi’-i tarik mecburiyetine binaen belediye akaratından hedm olunan yirmi dokuz bab dükkândan dolayı varidat-ı belediyeye senevî dört yüz yirmi lira nakıs arz olunduğu gibi seyahat-i mezkurenin istilzam ettiği müsta’cilin sebebiyle hendekten ila ve ve tarike ilave olunan kısmı için istidane suretiyle otuz beş bin guruş sarf olunmuş ve mezkûr hendeğin önündeki tarikin tevzi’i için hedm olunan duyun-ı umumiye dairesine aid tuz anbarının ve yine mezkûr tarike ilhak edilip istimlâk muamelesi derdest-i icra bulunan Hüseynizade Ömer Effendinin veresesine refikasına aid arsanın esmanı için aliyyü’l-akall daha yetmiş seksen bin guruşa ihtiyac bulunup meblağ-ı mezburenin yerli yerinde ashabına te’diye ve ifası lüzumu derkar bulunmuştur
Gerek meblağ-ı mezburenin istifası ve gerek ber-vechi ma’ruz varidat-ı belediyeye senevi arz olan mezkurü’l-mikdar nakısanın telafisi zımmında inşaat-i mezkure için zuhur edecek mültezimin ifasına mecbur olacağı taahhüdatı havi tanzim kılınmış olan mezkur şerait pusulasında kuyud-ı lazimenin derci müktezi iken mezkur pusula mündericatı kereste ve ahşab nev’inin beyanına hasr edilerek anda yalnız yapılacak sarnıçlarda tecemmu’ edecek suların belediyeye aid olacağı şartı konulmuş ve halbuki varidatı belediyeye arz olan mezkur nakısanın takarrür edecek müddet-i taahhüd hitamına kadar sene be sene te’diyesi te’min olunduğu takdirde zaten müzayakası ve vezaif-i müsellemesine nisbetle varidatın adem-i kifayeti müsellem olan belediye sandığı fevkalade mutazarrır olacağı vareste-i arz ve beyan bulunmuş olmasına nazaran inşaat-ı mezkurenin şayet bir müteahhid vasıtasıyla takarrür ettiği halde hendek kısmının imlası için sarf olunan otuz beş bin ve tarike ilhak olunub istimlak olunacak olan mezkur tuz anbarıyla arsanın esman-ı mühamminesi olan seksen bin guruş ki cem’en yüz on beş bin guruşun peşin suretiyle ve ikmali inşaatta mezkur sarnıçlarda tecemmu edecek suların tamamen ve müstakilen belediyeye aid olmakla beraber dükkanların istilamına değin güzeran edecek müddat zarfında belediye sandığına senevi üç yüz lira dahi derc ve ilavesi mükteza-i maslahattan görülmüş ve bu iş için teşkil edecek komisyonda bulunmak üzere cihet-i askeriyeden Kudüs Redif Miralayı Faik Bey ile Binbaşı refetlü Ahmed ve Kolağası Salih Effendilerin ta’yin edildikleri kumandanlık canibinden mukaddeman gelen tezkerede bildirilmiş idiğinden meclis-i idare-i livaca da ba-tezkere bu babda taht-ı karara alınacak mevadın komisyonca dahi kararlaştırılarak ana göre şerait ve münakasa pusulası yeniden tanzim ve mevki’-i münakasaya vaz’ olunmak ba’de’l-kat’ü’l-rağbet takarrür edecek müddet zarfında inşaat-ı mezkurenin istifa’i hasren belediyeye aid olmasında ve meblağ-ı lazime istikraz ile belediye hesabına olarak emanet suretiyle icrasında imkan görüldüğü halde ana göre yapılmak üzere mezkur komisyona cihet-i mülkiyeden dahi lazım gelen me2murinin intihab ve ta’yin buyrulması babında. Fi 6 Temmuz sene 315.

• Osmanlı Türkçesi