Item JM-AIY/OttomanRegisters/Vol12/p9a/item53 - This is the marginal note written upon the decision taken by the Sanjak Administrative Council regarding watchmen’s salaries, 16 February 1907 (Gregorian calendar) - 3 Shubât 1322 (Ottoman fiscal calendar (Rumi)

1 item

Bekçiler ma’aşâtı hakkında meclis-i idâre-i livâdan fi 20 Kanûn-ı sâni sene 1322 tarih ve 1362 numerolu kararına derkenârdır
Mezkûr bekçilik maddesi meclis-i idâre-i livâdan verilmiş olan karar üzerine geçen seneden belediye tarafından büsbütün terk edilerek ol vakitten beri hırâset masârifi nâmına belediye ma’rifetiyle ahâliden bir guna tekâlif tahsil olunmadığı gibi kaç bekçi mevcûd olduğu meclis-i âcizânemizce dahi mechûl bulunmuş ve bâlâda muharrer derkenârda arz olunduğu üzre şehirlerin gece hırâsetinin masârifi mecâlis-i belediyeye aid olduğuna dair ne mezkûr Belediye Nizamnâmesi’nde ne de masârif-i tanzifiye karşuluğuna vaz’ olunacak mürettebât hakkında mevzû’ kararnâmede mezkûr olmadığına binâen merkûm bekçilerin ma’aşâtı tevzî’ ve tahsîli daire-i belediye salâhiyetinin hâricinde olacağı ve madde-imezkûre belediyeye tevdî’ olunacak olur ise belediye sandığı ma’dûr kalub beldenin ezikka ve şevâri’inin ta’mirât ve ıslahâtına ve tanzîf ve tenvîr emr-i mühimine aid tahsisâtın bekçilere sarf olunmuş olacağı derkâr bulunmuş ve iş bu istidâdan anlaşıldığına göre hırâset-i belde masârifine karşuluk polis da’iresi ma’rifetiyla tevzî’ ve tahsis kılınmış olan takâlifin devlet-i âliye teb’âsı tarafından bilâ-tereddüd i’tâ olunmakta olduğu ve devlet-i ecnebiye tebâ’sı tarafından âdem-i i’tâsının esbâbı mensûb oldukları düvel konsoloshânelerine tebliğ-i keyfiyet olunmamasından ileri geldiği anlaşılmış olduğundan ve dâhilde 7 ve hâricinde 25 ki cem’en mevcûd 32 mahalleye müktezî bekçiler adedinin ta’yini ve ma’aşât-ı müktezîyesinin sûret-i tevzî ve tahsili ve bu babdaki mütalaanın beyânı me’mûrin-ı inzibâta aid mevâddan olacağı meclis-i âcizânemizce mütalaa olunmuş ise de icrây-ı icâbı müfevvez (sipariş ve ihale olunmuş) re’y-i âli-i veliyy’ül-ni’metleridir ol babda emr ü fermân. Fi 3 Şubat sene 322.

• Osmanlı Türkçesi