Item JM-AIY/OttomanRegisters/Vol13/p31b/item172 - Note regarding taxes, 7 December 1908 (Gregorian date) - 24 Tishrîn Thânî 1324 (Ottoman fiscal calendar (Rumi)

1 item

Dahiliyye Nezâret-i celîlesinin fi 9 Teşrîn-i evvel sene 1324 tarih 147 numerolu tahrirât-ı âliyesinde beyân buyrulduğu vechile Kudüs-i Şerif belediye sandığına aid tutulması tensîb kılınan rüsûmun mikdârını mübeyyen bir kıt’a pusuladır.
Mevâd
I. Demiryolu katarıyla veyahûd hayvanât vasıtasıyla Kudüs kazasına nakl olunacak emti’a üzerine ahzı lâzım gelen duhûliye rüsumu
Sınıf
Buğday ve arpa ve un ve mercimek ve nohut ve susâm ve burçak ve kuru bakla ve fasulye ve ve acı bakla ve darı ve pirinç ve kahve esnâfı üzerine ahzı lâzım gelen rüsûm
min 25 ilâ 100 kilo = 30 para
min 101 ilâ 150 kilo = 1, 20 guruş
min 151 ilâ 200 kilo= 3 guruş
Sa’ir emtia ile taş kömürü ve efrenci kireç ve çimento ve kiremid ve demir ve sa’ir taş ve kil esnâfı üzerine
min 25 ilâ 100 kilo = 1 guruş
min 101 ilâ 150 kilo = 1,20 guruş
min 151 ilâ 250 kilo = 2 guruş
Sa’ir sebze ile odun ve kömür ve yerli kireç üzerine
min 25 ilâ 100 kilo = 10 para
min 101 ilâ 150 kilo = 20 para
min 151 ilâ 250 kilo = 1 guruş
Mucur demekle ma’rûf toprak ile taş kırıntısı ve adi toprak ve olmak üzre sa’ir taş ve kûm esnâfı üzerine
min 50 ilâ 150 kilo = 20 para
min 151 ilâ 250 kilo = 1 guruş
II. Kasaba dâhil ve hâricinde işledilecek beher arabadan yevmî iki buçuk guruş alınmak üzre araba rüsûmu
III. Gaz ve ispirtohâne rüsûmu
IV. Zebh olunacak büyük abkârın beher re’sinden 12 ve küçüğünden 6 ve büyük ağnâmdan 2şer ve küçüğünden 1er guruş alınmak üzre zebniye rüsûmu ve gaz ve ispirtohâne rüsûmu belediyeye terk olunmasından dolayı mezkûr zebniye rüsûmu mâliyeye aid tutulmuş ise de gaz rüsûmuyla berâber belediyeye aid tutulması ve Maarif sandığına alınmakta olan rüsum dahi ilga olunmuş rüsum-ı mezkûre kemâ-fi-s-sâbık ya’ni beher re’s abkârdan 6 ve küçüğünden 3 guruş ve ağnamdan 20şer ve küçüğünden 10ar para resm ahzı tensîb olunacak olur ise zebh olunacak bi’l-cümle hayvanat bağırsakları belediyyeye aid tutulması
V. Bâc-ı hayvân rüsûmu nısfı ma’liyeye aid ise de tamamıyla belediyeye terki
Kantar rüsûmu rüsûm-ı mezkûre Kudüs’de evkâf cihetine aid olub muahharan vurûd eden evâmir mucibince ihtiyari bırakılmasından nâşi belediye cihetine ahzından Kudüsce sarf-ı nazâr olunmuştur.
VI. Cezây-ı nakdi
VII. Kontorato rüsûmu
VIII. Tanzimatdan müstefid olanlardan şerefiyye rüsûmu
IX. Tesviye-i ta’rikden fazla kalıb furûht edilecek arsalar esmânı
X. Delâliyye rüsûmu
XI. Tenvir ve tanzif masârifine karşılık dükkân ve hâneler üzerinden hükûmet-i mahalliyece takdir ve vaz’ olunacak mürettebât
XII. Berây-i bey’ umûmî sahalarda vaz’ olunacak eşyâ üzerine arziyye hükûmet-i mahalliyece takdir ve vaz’ olunacak mürettebât
XIII. Sirkeci ruhsâtiyesi
XIV. Arabacılık ruhsâtiyesi beher arabacıdan senevî 20 guruş alınmak üzre
XV. Ebniye rüsûmu
XVI. Lu’biyât-ı sa’ire ruhsâtiyesi
XVII. Kasaba ahâlisinden turûk ta’mirâtına alınan amele-i mükellefe vâridâtı
XVIII. Şeria nehri üzerinde olan cisr rüsûm-ı mürûriyyesi
XIX. Musakkafât ve arazi vergisinden yüzde on hesabıyla belediyeye i’tâsı ma’arife aid hisse lağv olunmak üzre

Bâlâda muharrer rüsûm Kudüs belediye sandığına aid tutulduğu hâlde idâre-i maslahâta kâfi ve münâsib olacağı ve ahaliye mûcib-i ma’duriyet ve bâr olmayacağı tüccardan lâzım gelenler ile led-et-tezekkür tebeyyün etmekle icâbına bakılmak üzre takdim kılındı ol babda.
Fî 24 Teşrîn- sânî sene 324.

• Osmanlı Türkçesi